УЕФА ќе истражува дали четири ѕвезди на Реал се однесувале недолично на градското дерби во ЛШ

Европската фудбалска федерација отвори истрага за натпреварот меѓу Атлетико и Реал Мадрид, а причина е можна дисциплинска постапка за четворица играчи на гостинскиот тим.

Реал ја мина осминафиналната фаза по подобро изведување пенали, а УЕФА ќе истражува дали навистина четворицата играчи во тимот на Анчелоти се однесувале недолично на ,,Метрополитано”.

Во истрагата се опфатени Килијан Мбапе, Винисиус, Дани Себалјос и Антонио Ридигер.

Етичката и дисциплинската комисија ќе решаваат за обвинувањата дека Мбапе се фатил за меѓуножјето по триумфот на пенали над градскиот ривал, дали Ридигер провоцирал на теренот, како и Себалјос им покажал среден прст на противничките фанови.

Евентуално решение за казна може да донесе суспензија на барем еден натпревар за некој од играчите.