Зеќири е оптимист: Пред оваа репрезентација е светла иднина

Македонија ја надигра Полска со 88-74 и со победа ги затвори квалификаците за Европското првенство кое е на програмата оваа година.

Ова беше втора нашата победа во групата, втор триумф над Полјаците во кој Ти Џеј Шортс и Андреј Маслинко искомбинираа 45 поени, но значајна улога исто имаше Лејсон Зеќири со 17 кошеви, 7 скока, 4 асистенции, 1 украдена топка и 1 блокада.

-Селекторот ни даде доверба на сите, веруваше во нас, сите бевме тука едни за други и сето тоа придонесе да се случи она што се случи на теренот – со колективна игра стигнавме до заслужена победа. Пресреќен сум за моите бројки, покажав дека можам да играм за оваа репрезентација, да дадам свој придонес за една голема победа. Верувам дека ако продолжиме со вакви игри пред нашата репрезентација е светла иднина, -порача Зеќири.