Ѓорческа загуби од седмата носителка во Мурска Собота

Македонската тенисерка, Лина Ѓорческа доживеа пораз во првото коло на ИТФ фјучерсот во Мурска Собота (Словенија) што се игра на тврда подлога за награден фонд од 60.000 долари.

Лина минатата седмица имаше напорни и исцрпувачки мечеви во Марибор, па и на новиот турнир не ја посака ждрпеката и на стартот мораше да игра со седмата носителка, рекет кој е 100. места подобро пласиран на ВТА листата, Манон Ленард.

Ѓорческа и пружи силен отпор на Французинката, се играа три сета и скоро три часа кои фаворитката на крајот подобро ги искористи за славје од 2-1 со 6-7, 7-5 и 6-2.

Победничката во севкупната статистика освои повеќе поени од Македонката и тоа 15 (118/103).