Супер камбек на Сака, Арсенал славеше во градското дерби (ВИДЕО)

Екипата на Арсенал се избори за победа над Фулам од 2-1 во лондонската пресметка од 30. коло во Премиер лигата.

Ова е меч кој домаќините освен по триумфот ќе го паметат и по камбекот на Букајо Сака кој со гол се врати на терените по пауза од неколку месеци. Сака беше во „аут“ од крајот на месец декември, а вечерва влезе во игра 66 минута и стрелаше во 73 кога зголеми на 2-0.

До крајот гостите намалија преку Родриго Мунуз во 94 минута.

Лошата вест за „топчиите“ од ова соочување е повредата на дефанзивецот Габриел кој го напушти теренот во 16 минута.

Сега Арсенал има девет бода помалку од лидерот Ливерпул.

ОВДЕ можете да ги погледнете головите.

На другиот меч во истиот термин, Вулверхемптон беше подобар од Вест Хем со 1-0.