Нова фуриозна партија: Пелистер повторно го разби Татран Прешов во СЕХА лигата

Македонскиот ракометен вицешампион, Еурофарм Пелистер му одржа уште една лекција на Татран Прешов во СЕХА лигата, победа со која стана првиот тим со обезбеден тикет за завршницата на ова натпреварување.

Пред неколку дена битолчани го уништија словачкиот претставник со 37-29, а пак денеска како гости беа уште поубедливи и славеа со 36-26. Ова беше дуел во кој се беше решено по првите 30 минути во кои Пелистер избори предност од десет гола разлика (20-10).

Второто полувреме донесе изедначена игра што значеше дека македонскиот состав го продолжува настапот во СЕХА лигата.

Костески со 11 и Стевановиќ со 7 гола беа најефикасни ракометари, додека кај поразените Рабек беше автор на 12 погодоци.