Македонија со најголем скок во БЏК купот на новата ранг листа

Женската тениска репрезентација на Македонија забележа најголем скок на последното рангирање на ранг листата на репрезентациите кои се натпреваруваат во Били Џин Кинг Kупот.

Нашата селекција има скок од 23 места и сега се наоѓа на 49. место во светот што е и најдобар ранг. Покрај Македонија и Киргистан има скок од 23 места и се наоѓа на 75.та позиција.

Добрите игри и резултатите во Вилнус го донесоа овој пласман со вкупно 373 поени. Разликата меѓу Македонија и Грузија која е пред нас на ранг листата е минимална односно само половина поен – Грузија има 375,50 поени.

Воедно нашата репрезентација е рангирана како 30. во Евро-африканската зона притоа првите 30 репрезентации сите се од Европа.

На првите пет места се Канада, Чешка, Италија, Австралија и САД.