Лунин се повреди, тинејџер ќе застане на голот на Реал

Реал Мадрид се подготвува за новиот предизвик, соочување со Валенсија која ќе биде последниот тест пред битката со Арсенал во четвртфиналето на Лигата на шампионите.

Пред соочувањето со „лилјаците“, актуелниот шпански и европски шампион се соочува со нов проблем, повреда на вториот голман на екипата Андриј Лунин.

Дел од шпанските медиуми пренесуваат дека Украинецот може да биде во „аут“ и до четири недели, но се уште се очекува официјална потврда и од клубот. Се говори и за опција тој под инјекции да игра против Валенсија, меѓутоа се поизгледа опција е шанса да добие тинејџерот, Фран Гонзалес.

Се работи за 19-годишен голман висок 199 сантиметри кого Карло Анчелоти на последната турнеја на Реал во САД го спореди Гонзалес со Џиџи Буфон, односно дека го потсетува на славниот Италијанец.

Гонзалес е и опција за настап и против Арсенал под услов Тибо Куртоа да не може да се врати со тоа што е најавено дека Белгиецот би требало да биде подготвен за битката со премиерлигашот.