Тонали даде искрена изјава за неверојатниот гол кој го крена на нозе „Ст. Џејмс парк“ (Видео)

Сандро Тонали игра во извонредна форма откако му заврши суспензијата и експресно се претвори во клучен играч на Њукасл, тим кој по освоената титула во Карабао Купот, сега има за цел да фати топ четири пласман во Премиер лигата.

„Страчките“ изминатава вечер извојуваа тешка победа над Брентфорд и успеаја да слават со резултат 2:1, а клучен момент на мечот беше оној во 74-та минута.

Тонали постигна неверојатен и несекојдневен гол од позиција која малку кој очекуваше најдобар епилог, па во обраќањето пред медиумите, самиот Италијанец беше доволно искрен и призна дека во прв момент планирал да центрира.

– Ако бидам најискрен, тоа беше 70 проценти центаршут, а 30 процент шут. Тоа беше тешка ситуација за голманот, но и тешка ситуација за мене. Мора да признаам дека имав и среќа.

– Остваривме победа и тоа е најважно. Сега ни преостануваат уште девет финалиња до крајот на сезоната, а целта е да се пласираме во Лигата на шампиони. Среќен сум што успевам да направам разлика на стадион на кој секогаш играме пред ваква публика, – изјави Тонали.

Kann man mal so machen! 😳

Sandro Tonali trifft aus einem schier unmöglichen Winkel zum 2:1 für Newcastle und damit zum Sieg! 🚨#SkyPL #NEWBRE #Tonali #Goal #PremierLeague pic.twitter.com/yKEm3MjsXD

— Sky Sport (@SkySportDE) April 2, 2025