Божиноска освои бронза и ќе се бори за пласман на ЕП: Секој медалист има своја шанса

Покрај Г1 турнирот во таеквондо, изминатиот викенд во Македонија се одржа и државното првенство во карате во нашата престолнина, но Скопје наредниот викенд ќе биде домаќин и на еден од најголемите карате настани, традиционалниот меѓународен турнир „Олимпик Опен 2025“.

Карате клубот „Олимпик“ изминатиов викенд освои десетина медали на државното првенство во Скопје и беше еден од најуспешните на шампионатот, а една од девојките која посебно привлече внимание е Магдалена Божиноска.

Магдалена освои бронзен медал и на тој начин потврди дека ќе се бори за место во репрезентацијата за Европското првенство, нешто што ќе стана уште пооствариливо со добар настап на „Олимпик Опен“ турнирот на кој ќе настапат повеќе од 800 учесници.

– Изминатиот викенд се одржа државното првенство на сениори и ги освоив третото место, но поважно е она што следи. Се уште не се знае кој ќе биде учесник на Европското првенство, а плејофот значи дека секој медалист ќе се бори против секого.

– Освоеното трето место може да не значи ништо, секој ќе треба да си го потврди своето место. Првиот сигурно ќе сака да го задржи ако може, а третиот да ги победи останатите.

– Јас како третопласирана имам шанси за Европско првенство доколку ги победам останатите кое освоија медали на државното првенство, – појаснува Магдалена во ексклузивното интервју за „Спортско радио 90,3 фм“.

Целосниот разговор на Божиноска и нејзиниот тренер Кристијан Младеновски може да го слушнете на следниот ЛИНК