Влаховиќ на уникатен начин му го честиташе успехот на Погачар на Тур де Франс

Тадеј Погачар победи на Тур де Франс за уште еден голем успех во својата кариера, но и комплетирање на амбицијата да ја освои оваа престижна трка во иста година во која триумфирал и на Џиро Д’Италија.

Словенецот вчера ја заврши трката со шеста етапна победа и потврда на првото место во генералниот пласман, а со тоа заработи многу комплименти не само од фановите на велосипедизмот, туку и општо спортската јавност.

Во тој стил, денеска честитка му стигна и од Германија, каде во моментов Душан Влаховиќ е дел од тренинг кампот на Јувентус.

Српскиот репрезентативец добро се забавувал со велосипедите ставени на располагање на играчите од страна на домаќинот во тренинг центарот на „Адидас“, а искористи една фотографија да му испрати честитка на Погачар.