Слот за спорниот момент на „Енфилд“: Не сум изненаден што Тарковски не доби црвен картон

Победата на Ливерпул над Евертон на вчерашниот дуел од Премиер лигата и натаму ја одржува актуелна дебатата за решението на главниот судија, но и ВАР собата околу грубиот старт на Џејмс Тарковски над Алексис МекАлистер.

Тарковски доби само жолт картон, а ВАР реши да не интервенира по кратката проверка, што ги остави во шок најголемиот број фанови на англискиот фудбал и посебно навивачите на Ливерпул.

Менаџерот Арне Слот по средбата не сакал многу да коментира, потенцирајќи дека сите виделе што се случило.

– Мислам дека веќе многу луѓе ја коментираа ситуацијата и немам што да додадам.

– Дури и луѓето кои не го сакаат Ливерпул проценија што требало да биде покажано во тој момент.

– Дали сум изненаден? Не, – рекол Слот.

Фановите на Ливерпул шокирани: Како Тарковски не доби црвен и каде судијата виде старт за жолт картон на Нуњез (Видео)