Пјастри недопирлив за ривалите, трката во Кина ја потврди доминацијата на Мекларен

Оскар Пјастри без никакви проблеми и ризици ја претвори пол-позицијата во победа на Формула 1 трката во Кина, а неговиот тимски колега Ландо Норис овојпат мора да се задоволи со втората позиција.

Мекларен испорача уште една доминантна трка во која не дозволи закани од ривалските тимови и со еден-два триумф се зацврсти на првото место на ранкингот на конструктори, каде сезонава ја брани ланската титула.

Трката во Кина не донесе речиси ниту едно возбудување, па на крајот водечката шесторка од квалификациите ја заврши трката на речиси идентични позиции (замена само на позициите на Леклер и Хамилтон).

Макс Ферстапен на стартот ја загуби позицијата и се најде зад двата болида на Ферари, но на крајот се врати на четвртото место и ги остави Леклер и Хамилтон зад себе, односно на петтото и шестото место.

Џорџ Расел привремено беше втор, но на крајот се чини ќе биде задоволен и со третото место на трката за ГН на Кина.

Одлична трка во Шангај имаа болидите на Хас, откако Окон го освои седмото, а Берман десеттото место, додека меѓу нив се најдоа Антонели и Албон.