Гвардиола распали по навивачите на Јунајтед: Треба да се засрамат (Видео)

Големото манчестерско дерби кое се одигра на „Олд Трафорд“ ги разочара неутралните фудбалски фанови и остави навистина лош севкупен впечаток, па во недостиг на голови и стопроцентни шанси, новинарите мораа да се занимаваат и со невкусни ситуации кои беа иницирани од навивачите на трибините.

Домашните фанови на „Олд Трафорд“ посебно го „почестија“ Фил Фоден и го испратија од теренот со навистина непријатни и неблагодарни коментари, а целата оваа ситуација на крајот ја коментираше и Пеп Гвардиола.

Во серијата навреди, дел од навивачите на Јунајтед ја вклучија и мајката на англискиот репрезентативец (твојата мајка е к..ва), по што Пеп без многу штедеше распали по оние не покажаа нималку класа.

– Недостиг на класа, но тоа не важи за Јунајтед, тоа важи за навивачите. Сите ние сме изложени на вакви непријатни работи. Менаџери, газди, но особено фудбалерите.

– Не можам да ги разберам размислувањата на фановите кои во целата ситуација ја вклучуваат мајката на Фил. Тоа е недостиг на интегритет, недостиг на класа и треба да бидат засрамени. Но, тоа е што е….. Ова се случува насекаде, а не само во Велика Британија, – порача Гвардиола.

🚨 OT chanting “Phil Foden… Your MUM is a S***!” 😭😭 pic.twitter.com/RvsXJakc9b

— 𝗔𝗺𝗼𝗿𝗶𝗺’𝘀 𝗥𝗲𝗱𝘀 ✍🏼🇵🇹 (@AmorimBalll_) April 6, 2025

Pep Guardiola on Phil Foden chant: "LACK OF CLASS! THEY SHOULD BE ASHAMED!" pic.twitter.com/0pFxAHkrai

— BeanymanSports (@BeanymanSports) April 6, 2025