Работнички и Феникс со победи ги потврдија паровите во плејофот

Работнички го победи Кожув, додека Феникс славеше како гостин во дуелот со Шкупи, со што и двете екипи си ги потврдија противниците и во следната плејоф фаза во македонското кошаркарско првенство.

Работнички триумфираше со 90:80 за потврда на третото место на табелата, додека Феникс триумфираше со 81:85, со што стигна до последоното осмо место кое води во следната фаза.

Ефремовски ги предводеше реализаторите кај Работнички со 19 поени, Дубински реализираше два помалу, додека најефикасен во триумфот на Феникс беа Митревски со 24 и Марфи со 20 поени.

Според пласманот во регуларниот дел од сезоната, Работнички во плејофот оди на Пелистер, додека Феникс ќе му биде ривал на шампионот МЗТ Скопје.

Во преостанатите две двојки ќе се сретнат ТФТ и Чаир, односно Куманово и Кожув.