„Лавовите“ ја добија скопската пресметка, кикс на Башкими

Составот на Македонија Ѓорче Петров се избори за важен триумф над Скопје од 1-0 во дуелот од 23.коло во Втората лига.

„Лавовите“ бараа триумф против градскиот ривал, победа против тимот кој навистина тешко губи во шампионатот. Избраниците на Грнчаров сепак пронајдоа начин да дојдат до трите бода и тоа со голот на Марио Станковски во второто полувреме.

Кикс направи Башкими кој втор меч во низа остана без гол, овојпат на домашен терен против Новаци (0-0).

Брегалница и Детонит Плачковица ремизираа играјќи 1-1, додека Арсими ја продолжи победничката низа и го доби Осогово со 3-1.

РЕЗУЛТАТИ – 23.КОЛО

Арсими – Осогово 3:1

Башкими – Новаци 0:0

Беласица – Вардарски 4:1

Борец – Кожув 2:1

Брегалница – Детонит 1:1

Македонија ЃП – Скопје 1:0

Охрид – Саса 2:1

Победа – Вардар 0:1