Селекцијата до 19 години ремизираше со Ерменија

Женската репрезентација на Македонија до 19 години одигра нерешено 1:1 против соодветната селекција на Ерменија во натпреварот од второто коло на квалификацискиот турнир од Б лигата (втора рунда) за пласман во А лигата на квалификации за Европското првенство.

Нашите млади фудбалерки не успеаа да ја остварат втората победа на турнирот по победата над Литванија во првото коло.

Анастасиа Илиевска во 63. минута погоди за предност на Македонија од 1:0. Радоста на нашите фудбалерки траеше само четири минути. Противникот успеа брзо да се врати во игра и преку Сајадиан успеа да го израмни резултатот.

Во последното коло, нашата селекција ќе игра против домаќинот Хрватска. Овој натпревар ќе се одигра на 7. април со почеток во 12:30 часот, на стадионот Карловац.

Македонија: Комненова, Јованоска, Ѓорѓиева, Веселинова, Симјанова, Додевска, Мехмеди, Јосифова, Митковска, Крстева;

Селектор: Астрит Мерко