Алонсо го погоди џокерот, Леверкузен во „последен час“ до победа над Хајденхајм (ВИДЕО)

Фудбалерите на Баер Леверкузен со доста мака дојдоа до посакуваната победа во соочувањето со Хајденхајм во Бундеслигата, победа со која останаа на минус шест во однос на Баерн Минхен во трката за титулата.

Избраниците на Алонсо се мачеа на ова гостување и се изборија за триумф со гол дури во 91 минута кога нововлезениот Буендија со одмерен удар ја затресе мрежата на домаќините.

Борусија Дортмунд пак се „распука“ пред соочувањето со Барселона во ЛШ и славеше над Фрајбург со 4-1. Адејеми, Чукуемека, Гираси и Гитенс беа стрелци на погодоците за „милионерите“.

РБ Лајпциг пак во трката за Топ 4 го доби Хофенхајм со пресврт со головите на Шешко, Баку и Поулсен.

На другите две средби Бохум беше понижен од Штутгарт (0-4), а Мајнц разочара и освои само бод против Холштајн Кил (1-1)