Турската федерација му изрече казна на Мурињо за инцидентот на дербито

Дисциплинската комисија на Турската фудбалска федерација му изрече суспензија на Жозе Мурињо, кој имаше физички контакт со колегата Окан Бурук на дербито меѓу Галатасарај и Фенербахче во рамките на турскиот куп.

Фенер загуби во тензичен натпревар, а по крајот на средбата Мурињо го повлече за нос тренерот на Галата, по што Бурук се најде на тревата, а присутните на теренот спречуваа уште поголем инцидент.

Поради ова Мурињо ќе паузира на три натпревари, на кои Фенербахче ќе треба да го водат неговите асистенти, а од федерацијата објавиле и зошто Португалецот не добил поголема казна.

Дисциплинците го протолкувале однесувањето на Бурук како провокативно, па затоа и Мурињо поминал полесно во одредувањето на должината на суспензијата.

Португалецот повторно се исклучи: Мурињо го фати за нос тренерот на Галатарасај (ВИДЕО)