Гостивар падна во резултатска криза, па им се извини на навивачите: Немаме изговори, ве изневеривме…

Гостивар имаше високи амбиции во оваа сезона и првиот дел од сезоната го заврши на одлична позиција со надеж за успех како во домашното првенство така и во Купот, меѓутоа екипата во втората етапа е далеку од посакуваното ниво и е доста реално да остане без настап во Европа.

Во последните четири средби во ПМФЛ, тимот има освоено еден бод, па по овие разочарувачки издание се огласија од клубот со извинување до навивачите.

-Се извинуваме што ги разочаравме нашите навивачи толку рано во сезоната откако им дадовме надеж за титулата и квалификациите за европските купови на почетокот на сезоната! Немаме изговори. Немаме што да кажеме. Ве изневеривме! Искрено ни е жал, –порачаа гостиварчани.