Дончиќ и Лејкерс издоминираа на гостувањето кај Оклахома Сити

Лос Анџелес Лејкерс издоминира на гостувањето кај Оклахома Сити и стигна до заслужена и убедлива победа (99:126) во дуелот со лидерот во западната конференција во НБА лигата.

Лука Дончиќ блескаше во првото полувреме на незгодното гостување и заедно со соиграчите донесе целосна доминација и најава за рутинска победа против екипата предводена од Шег Гилџус-Александер.

Словенецот го заврши натпреварот со 30 поени, 7 скокови и 6 асистенции, а зад него следуваа Ривс со 20 и Џејмс со 19 поени.

Гилџус-Александер со 26 поени за нешто повеќе од 30 минути на теренот повторно се истакна во редовите на Тандер, но не можеше да го спречи четиринаесеттиот пораз за Оклахома досега.

Лејкерс барем привремено се зацврстија на третото место на Западот со ефект 48-30 и останува да се види дали ќе го задржат тоа место во пресрет на плејофот.