Италија

Јувентус ја прекина победничката серија на Рома (Видео)

Објавено

на

6 април, 2025

Од

Dejan

Фото: https://x.com/OfficialASRoma

Мануел Локатели донесе предност за Јувентус по првото полувреме на дербито со Рома, но домаќините израмнија на почетокот на вториот дел и го поставија конечниот резултат 1:1 во последниот натпревар од денешната програма во Серија А.

„Бјанконерите“ ја прекинаа серијата од седум победи по ред на Рома, а ова им е и прво реми под водство на новиот тренер Игор Тудор.

Јувентус имаше иницијатива од почетокот на средбата, не реализираше неколу шанси пред голот на „волчицата“, а за разлика од претходните ситуации, Свилар не успеа да спречи погодок по атрактивниот волеј удар на Локатели во 40. минута.

Гостите сепак не го задржаа водството предолго, бидејќи на стартот на вториот дел резервистот Шомуродов беше заборавен од дефанзивците по изведен корнер, а тој успеа да ја затресе мрежата на Ди Грегорио.

Во продолжение, Јувентус повторно имаше повеќе од поседот на топката, поконкретно се обидуваше да дојде во втор гол, но на крајот ќе мора да се задоволи од освоениот бод на „Олимпико“.

Со истиот, Јуве е израмнет со Болоња, со 56 бодови на четвртото место на табелата, додека Рома има три помалку во пресрет на градското дерби со Лацио во следната рунда.