Пелистер со подобра завршница до важна победа над Охрид

Ракометарите на Еурофарм Пелистер издвојуваа важна победа на жешкиот терен кај ГРК Охрид во рамките на второто коло од плејофот во Суперлигата.

Клубот од Битола славеше во салата „Билјанини Извори“ со 26:23 и се врати на првото место на табелата. Домаќините дадоа се од себе за да дојдат до позитивен резултат, но отсуствата на Орјоникидзе и Мацуока, плус повредата на Јотиќ беа едноставно пресудни за да направи, добие нешто плус од ова соочување со бранителот на пехарот.

„Гладијаторите“ водеа со 4-1, но Пелистер се консолидираше, се врати во игра и на одмор се стекна со предност од 12:11. Беше неизвесно, борбено и во вториот дел, меѓутоа во завршницата битолчани беа на повисоко ниво и дојдоа до резултатот што го посакуваа.

Кузмановски со 12 гола беше најефикасен играч на средбата, Сафранко имаше седум реализации кај поразените.