Ѓоковиќ го дозна првиот ривал во Монте Карло, губи од него во меѓусебните дуели!

Поранешниот светски рекет број еден, Новак Ѓоковиќ го дозна името на првиот ривал АТП Мастерсот во Монте Карло.

Ѓоковиќ кој беше слободен во првото коло, во втората рунда ќе се соочи со 27-годишниот Алехандро Табило од Чиле. Чилеанецот кој е на 32. место на АТП листата во денешната битка успеа да слави над ветеранот Станислас Вавринка со 2-1 во сетови.

Два ипол часа траеше оваа битка која на крајот помладиот ја доби со пресврт со 1:6, 7:5 и 7:5.

Tabilio Triumphs 💪🇨🇱

Tabilo rallies to beat Wawrinka 1-6 7-5 7-5 and will face Djokovic in R2#RolexMonteCarloMasters pic.twitter.com/gUMhfw41Qf

— Tennis TV (@TennisTV) April 7, 2025

Ова за Табило беше прва победа на земја по мастерсот во Рим минатата година, поточно ја прекина серијата од осум порази на оваа подлога.

Интересно е тоа што Алехандро има позитивен учинок во дуелите со Ѓоковиќ, води со 1-0 со победата која ја оствари лани во Рим со 2-0 во сетови.