Ван Дајк испрати нова порака за неговата иднина во Ливерпул: Го сакам клубот…

Вирџил Ван Дајк е еден од играчите, големите ѕвезди на Ливерпул кој останува без договор по крајот на тековната сезона и токму поради ова сите навивачи на „црвените“, па и фудбалската јавност со нетрпение очекува да се види како ќе се реши оваа ситуација, но и оние на Мохамед Салах и Трент Александер Арнолд.

Ако се суди по информациите на медиумите најблиску до заминување е бекот Александер Арнолд за кого вестите се дека веќе се има договорено со Реал Мадрид, додека пак за Ван Дајк и Салах засега нема информации дека се блиску до премин до нов тим.

Во однос на темата се огласи токму капитенот Ван Дајк кој обелодени дека има прогрес во разговорите со клубот што секако е важна вест за Ливерпул.

-Има напредок, да. Не знам дали ќе останам, ќе видиме. Слушајте, ова се внатрешни дискусии и ќе видиме. Го сакам клубот, ги сакам навивачите и тие повторно беа тука за нас и сакавме да ги наградиме. Но, сакам тие да бидат таму во недела повторно [против Вест Хем Јунајтед] и да го направат стадионот неверојатно место како и секогаш за нас, -порача Холанѓанецот кој од 2018 година е на „Енфилд Роуд“.