Поврзете се со нас

Италија

Ниту Фелипе Мело не му остана должен на Кјелини: Секогаш бил кукавица, но знам зошто ми се лути

Објавено

на

Џорџо Кјелини ја разбранува италијанската спортска јавност со откривање на деталите од својата автобиографија, со тоа што посебен акцент стави на двајцата најлоши соиграчи кои ги имал во кариерата.

Капитенот на Јувентус им посвети навистина непријатни зборови на Марио Балотели и Фелипе Мело, со тоа што за Бразилецот нагласи дека е „најлош меѓу најлошите“. Веќе видовме дека Балотели жестоко му одговори на некогашниот соиграч од селекцијата, а должен не остана ниту Фелипе Мело кој смета дека знае од каде произлегува оваа болка на стоперот.

– Навистина би сакал да знам на кои епизоди се однесува. Во секој случај, јас немам проблем да му одговорам на овој „дефанзивец“. Кога бев во Торино, не покажав непочитување кон никого, ниту кон соиграчите, ниту кон водечките луѓе, ниту кон Јувентус.

– Вели дека Балотели требал да добие шлаканици, а јас сум бил најлош меѓу најлошите и дека сум предизвикувал тепачки околу мене. Тој секогаш бил кукавица која се крие, лесно е да се пишува за други во книга, но мислам дека овој „дефанзивец“ е лут на мене бидејќи кога отидов во Галатасарај, го преслушавме неговиот Јувентус. Исто така, не може да преболи што Интер освои се, а јас сум „интериста“.

– Секогаш се однесува како да е најголем во светот. Исто така се сеќавам дека со Бразил ја победивме Италија со 3:0 на Купот на Конфедерации во 2009-та година. Најверојатно е лут поради сето тоа, нема освоено ништо на интернационално ниво, – завршува Мело во обраќањето за „Газета“.

Реклама
Реклама
Реклама

Популарни