Балотели жестоко му одговори на Кјелини: Не си вистински маж, ти чуден капитену! (Фото)

Џорџо Кјелини презентираше дел од својата автобиографија во ексклузивното интервју кое го направи за „Ла Република“, а истото експресно предизвика бура од реакции бидејќи капитенот на Јувентус жестоко ги омаловажува Марио Балотели и Фелипе Мело.

Кјелини го именуваше Балотели како „негативна личност која нема почит кон никого“, а исто така откри и дека го исшамарал напаѓачот за време на еден репрезентативен собир.

Ваквите зборови на Џорџо секако се најдоа во центарот на вниманието, а контроверзниот Балотели не задоцни да му одговори преку својот Инстаграм профил.

– Ако ништо друго, јас сум доволно искрен да ги кажам работите во лице. Ти имаше толку многу прилики да го направиш тоа од 2013-та година, имаше можност да бидеш вистински маж, но ти не го направи тоа.

– Којзнае што ќе кажеш за своите актуелни соиграчи еден ден, ти чуден капитену….

– Ако ова значи титулата шампион, тогаш претпочитам да не бидам тоа. Никогаш не сум покажал непочитување кон италијанскиот дрес, – порача Балотели.