Роналдо: СП во Саудиска Арабија ќе биде најдобро во историјата

И официјално беше потврдено дека Саудиска Арабија ќе биде домаќин на фудбалскиот мундијал во 2034 година.

ФИФА ги потврди домаќините за мундијалите во 2030 и 2034 година (Фото)

По вторпат во историјата Блискиот Исток ќе биде во центарот на најголемата фудбалска јавноста, поточно по Катар и Саудиска Арабија ќе ја има честа да ги пречека најдобрите светски селекции по една деценија.

Оваа вест го израдува Кристијано Роналдо кој и од претходно даваше максимална поддршка, па и воедно порача дека тој турнир ќе биде најдобар во историјата на СП.

-2034 година ќе биде најдоброто Светско првенство досега. Неверојатно! Инфраструктурата, стадионите, условите за навивачите и се и по она што го гледам, јас сум повеќе од убеден дека 2034 година ќе биде најдоброто Светско првенство во историјата.

-Едно или две од овие деца со кои ќе бидам заедно денес ќе играат на Светското првенство. Верувам дека ќе продолжат да растат, особено и жените, дека и тие растат многу добро. Мораме да растеме заедно во сè. Не само во фудбалот туку и во животот и ќе ги мотивирам да работат напорно, верувајте во тоа, -порача ѕвездата на Ал Наср.

Congratulations to all my friends in Saudi, I know how proud you all are today and I am sure @Saudi2034 will be historic 🇸🇦🏆#WelcomeToSaudi34 pic.twitter.com/m0GB1O2R4w

— Cristiano Ronaldo (@Cristiano) December 11, 2024