Митревски и Порто победија за Кинтана

Тимот на Порто за кого настапува македонскиот репрезентативец Никола Митревски славеше над Елверум со 38-31 во Лигата на шампионите.

Ова за најдобриот португалски состав беше прв меч по смртта на Алфредо Кинтана, па сосема очекувано имаше многу емоции особено пред стартот на истиот кога имаше едноминутно молчење во чест на голманот, колегата на Митревски.

Играчите на Порто не можеа да ги запрат солзите за време на едноминутното молчење за Кинтана (ВИДЕО)

Порто беше подобар од норвешкиот претставник во двете полувремиња, првото со 16-11, второто со 22-20 за конечно славје и петто место во групата А.

Митревски запиша 10 одбрани, додека пак Итуриза со 7 голови беше прв стрелец.

Никола и компанија во осминафиналето ќе се соочат со Алборг.