Мбапе за ужасната слика која ја остави ударното трио на ПСЖ во Манчестер: Свесни сме што треба да направиме за тимот

Килијан Мбапе даде доста искрени одговори во ексклузивното интервју кое го одработи за Тјери Анри, а кое беше спроведено од страна на „Амазон Прајм“, сервис со кој соработува легендарниот француски напаѓач од стартот на сезоната.

Мбапе му се отвори на Анри за пропаднатиот трансфер во Реал, па порача: И докажав на јавноста за што сум способен

Анри редовно дава свои коментари за францускиот фудбал како експерт за „Амазон Прајм“ и сега го интервјуираше својот помлад сонародник, од кој изнуди навистина интересни одговори поврзани за големото разочарување во летниот преоден рок, но и за новото трио во ПСЖ.

Тјери беше еден од оние кои гласно ги критикуваа Мбапе, Нејмар и Меси за неверојатната пасивност на гостувањето кај Манчестер Сити и фактот што воопшто не и помагаа на одбраната, а за лошата оставена слика е свесен и Килијан.

– Против Манчестер Сити, бевме сигурни во нашите дефанзивни играчи и имавме верба во нив. Вистина е, имаше моменти кога не помагаме ние тројцата и не се браневме.

– Свесни сме дека треба да направиме повеќе ние тројца и не планираме да се криеме. Го прифаќаме тоа со статусот кој го имаме изградено. Мора да спречиме вакви изданија со кои ќе испровоцираме критики дека не сме доволно сплотени за тимот, – потенцира Мбапе.