Канатларовски: Швеѓаните се желни за одмазда, но и ние се прашуваме

Македонската фудбалска репрезентација до 21 година ги продолжува квалификациите за Европското првенство во 2025 година и тоа со пресметката со Шведска во Скопје.

Тоа е дуел кој е закажан за утре од 14 часот на националната арена „Тодор Проески”, дуел на кој ако ние славиме ќе ги минеме скандинавците на табелата во групата Ц. Нашите надежи веќе еднаш ги матираа Швеѓаните во овој циклус (1-0), па тоа доволно говори дека имаме што да покажеме иако гостите ќе го имаат статусот на фаворити.

Надежите го имаа последниот тренинг пред соочувањето со Шведска (ФОТО)

-Пред нас е голем предизвик. Силна репрезентација која доаѓа на наш терен желна за одмазда. Очекувам квалитетен натпревар. Сигурно ќе се прашуваме и ние за многу нешта во играта на утрешниот меч против Шведска, -истакна селекторот Драган Канатларовски.