Флик: Црвениот картон го промени натпреварот

Барселона оствари убедлива победа во соочувањето со Реал Сосиедад, победа од 4-0 со која одново се врати на лидерската позиција во шпанската Примера.

Барселона го преслуша Сосиедад и се врати на лидерската позиција во Ла Лига (ВИДЕО)

Клубот од Баскија беше тотално немоќен на „Монжуик“ и низ целиот натпревар не упати ниту еден удар кон голот на домашниот тим. Гостите од 17 минута играа без капитенот Елустондо, па Ханси Флик беше искрен и призна дека тоа им помогнало да воспостават доминација, поточно комплетно да го неутрализираат ривалот.

-Црвениот картон многу го промени натпреварот. Тие се добар тим, но мислам дека ги притиснавме и го заслуживме резултатот. Иако беа со десетмина, важно е да не се допуштаат шанси. За тоа зборувавме во текот на неделата по натпреварот против Атлетико. Можеби со малку повеќе дисциплина можевме да постигнеме уште неколку голови, ама не требаше да биде. Среќен сум за Касадо и Мартин кои ги постигнаа своите први голови, -истакна Флик кој е среќен што екипата е на врвот на табелата.

-Секогаш гледаме на позитивното и наша работа беше да се трудиме, но да одиме ден за ден. Сега сме први и мора да продолжиме, подвлече Германецот.