Дополнителни проблеми: Уште двајца играчи на Реал се повредени

Реал Мадрид дојде до посакуваните три бода на пресметката со Бетис, но тој меч донесе и негативни вести за актуелниот шпански и европски шампион.

Поради повреда неколку недели во „аут“ ќе биде Дани Себалјос, но со проблеми се соочуваат и француските репрезентативци Ферлан Менди и Орелиан Чуамени.

Голем малер: Играчот кој конечно дочека вистинска шанса од Анчелоти ќе биде во аут два месеци (Фото)

Двајцата на крајот отпаднаа од комбинација за пресметките на Франција со Италија и Беглија во Лигата на нации, па навивачите на „кралевите“ стравуваа дека може и подолго време ќе отсуствуваат од терените.

Сепак информациите на „Релево“ се дека не се работи за ништо сериозно и дека двајцата би можеле да бидат спремни веќе за наредниот клупски предизвик за две недели, средбата со Реал Сосиедад во Примера.

Се очекува Реал да даде официјална, конкретна информација за повредите на Менди и Чуамени.