Червар конечно се огласи за срамното однесување на хрватскиот селектор

Лино Червар како главен координатор на хрватската ракометна репрезентација ќе го има последниот збор кога е Хрвоје Хорват во прашање, но како што стојат работите, огромни се шансите „каубоите“ да добијат нов тренер.

Лошиот пласман на Светското првенство беше надополнет со бизарнот интервју од страна на селекторот, обраќање по кое цела јавност во Хрватска побара негова смена.

Легендарниоте ракометари од оваа земја веднаш побараа од самиот Хрвоје да си замине од тимот, па откако со став за лошите резултати се јави и Федерацијата, сега дојде ред на Лино Червар.

Токму Лино беше човекот кој го избра Хрвоје за свој наследник во националниот тим, но најверојатно ќе биде и човекот кој ќе му пресуди по разочарувањето во Полска и Шведска.

– Можеби не е најдобар момент веднаш да реагирам. Да оставиме да минат неколку дена, потоа ќе кажам што мислам. Не е мој стил веднаш да се правам паметен. Иако, морам да потенцирам дека имам што да кажам. Го имам водено националниот тим на 250 натпревари и на човек се може да му се насобере. Најдобро ќе биде да кажам нешто паметно за неколку дена, а не сега кога сум под емоции од случувањата, – изјавил Червар за „Индекс“.

Хрватскиот селектор го одработи најбизарното интервју во историјата, легендите распалија: Мора да си оди! (Видео)