Хрватскиот селектор го одработи најбизарното интервју во историјата, легендите распалија: Мора да си оди! (Видео)

Хрватска оствари победа над Бахреин од 43:32 и со триумф стави крај на своето патување на Светското првенство, но цела јавност во оваа земја зборува за неверојатното и бизарно интервју кое го одработи селекторот по крајот на мечот.

Хрвоје Хорват доби доста критиките за поставеноста на тимот и одлуките кои ги носеше пред мундијалот и за време на истиот, но сега ги разбесни и најголемите ракометни легенди со тоа што го направил по последниот меч.

Хорват испраќал срца на почетокот од разговорот и одбил да одговори на едно прашање на новинарката, односно на она поврзано за неговата иднина во репрезентацијата.

Најбизрано од се е што селекторот само ја отворал устата и буквално направил циркус без да изусти еден збор, односно се погрижил за чист пример на „слика има – тон нема“.

– Ова е вистински срам, никогаш не сум видел вакво нешто. Можеме да зборуваме за играчите, за натпреварите, но ова е непочитување. Надвор Хорват, време е. Ние така велиме во Сплит. Оди си, ти и оние кои те донесоа за селектор. Вакво однесување е недозволиво, – изјавил легендарниот Петар Метличиќ.

– Јас сум прв за шеги, но ова не ми се допаѓа. Ова беше бизарно и вооптшо не беше пријатно за гледање. Постои начин како треба да се однесувате. И јас знам да претерам, но ова е неприфатливо од еден селектор, – се надоврзал Горан Шпрем.

– Новинарката не заслужи вакво однесување, останавме шокирани. Очигледно има добра поддршка од Федерацијата штом си дозволува вака да се однесува, – завршил третиот олимписки шампион, Драго Вуковиќ.