Звуци од трибината за момент го прекинаа мечот, Ѓоковиќ издоминира: Ќе се јавиш на телефон, или не? (Видео)

Новак Ѓоковиќ го одигра најдолгиот меч во прва рунда на грен слем турнир и имаше многу потешка задача од предвиденото, но сепак успеа да смогне сили и да најде решение за двојно помладиот ривал од спротивната страна на мрежата.

Дино Прижмиќ се претстави на големата сцена и не остави никого рамнодушен со своето издание, па дури ни светскиот рекет број еден кој подели низа комплименти за Хрватот.

Ѓоковиќ беше навистина расположен по крајот на мечот кој траеше четири часа, но мора да се признае дека Србинот овојпат беше далеку посмирен и во тензичните момети.

Новак немаше бесни изливи на емоции и пронајде начин да се контролира, па дури и се шегуваше во ситуација кога често знае да им се лути на фановите.

Звуци од трибината го прекинаа мечот за момент и беше јасно дека на некој му ѕвони телефонот, по што на сцена стапи десеткратниот освојувач на Аустралијан Опен.

– Ќе се јавиш, или не?…….

📞 "You wanna answer that or…" 😅@DjokerNole | #AusOpen pic.twitter.com/vWf4wFq1sz

— Eurosport (@eurosport) January 14, 2024