Звезда направи голем пресврт против Баерн и ја прекина црната серија во Евролигата

Црвена Звезда ја прекина лошата серија од четири последователни порази во Евролигата, такашто денеска се врати од голема негатива за на крајот да оствари победа над Баерн Минхен.

Преполната „Штарк арена“ беше доволно голем мотив за домашните играчи, па негативата од минус 14 не се покажа како клучна, и покрај тоа што гостите го контролираа резултатот речиси цел меч.

Баерн постојано беше во водство од крајот на првата до почетокот на четвртата четвртина, но иако предноста од 14 разлика беше на средина на третата, истата се стопи и на крајот „црвено-белите“ остварија голема победа.

Звезда ја запиша втората победа во шестиот европски настап сезонава со победа од 74:68, а лидер беше искусниот Теодосиќ кој запиша дабл-дабл со 16 поени и 11 асистенции.

Важни во победата беа и Лука Митровиќ и Шабаз Нејпир кои уфрлија по 11 поени, а еден од јунаците на крајот беше и Јаго Дос Сантос кој постигна осум поени.