Зидан седна на местото на Белингам во соблекувалната на Реал и откри што мисли за Англичанецот (Видео)

Зинедин Зидан се врати на „Сантијаго Бернабеу“ изминатиов викенд и во саботата ги потсети фудбалските фанови на својата класа која го красеше во текот на цела играчка кариера, а мора да се признае дека Зизу е елегантен и во шестата деценија во животот.

Французинот со серија добри технички потези се издвои на теренот на пресметката меѓу легендите на Реал Мадрид и Порто, но сега се појави видео и од зад сцената.

Реал Мадрид преку својата телевизија долови дека Зидан го искористил шкафчето на Џуд Белингам и седел на неговото место во соблекувалната, па било побарано од него да каже неколку збора за новата англиска ѕвезда.

Белингам го избра бројот „5“ и на тој начин се издвои како природен наследник на легендарниот Зизу, кој не крие дека е воодушевен од спектакуларните предиспозиции кои ги поседува Џуд.

– Од петка за петка! Бројот ни е ист и тоа е точно, но немаме исто години…….

– Тој е спектакуларен, навистина е спектакуларен. Имаме среќа што го имаме тука во Реал Мадрид, навистина е многу добар и се надевам дека ќе донесе многу трофеи за клубот, – порачува Зидан.

🗣️ Zinedine Zidane en la taquilla de Jude Bellingham: "De cinco a cinco, no tenemos la misma edad pero el mismo número sí. Jude Bellingham es espectacular, tenemos suerte de tenerlo en el Real Madrid es muy bueno y espero que traiga muchos trofeos." 🥹🤍pic.twitter.com/mFWNdS3LEz

— REAL MADRID FANS 🤍 (@AdriRM33) March 24, 2024