Засилувања за Чупиќ: Вардар се пофали со ангажмани на два средни бека (Фото)

По големото разочарување на крајот од сезоната, Вардар одлучи да го менува тренерот и веќе го претстави Иван Чупиќ како нов лидер на проектот, а истиот од денеска е побогат за две имиња на бековските позиции.

Македонскиот вицешампион со пофали со ангажман на двајца играчи кои играат на позицијата десен бек, а тоа се Јапонецот Харуки Кавада и Аргентинецот Николас Боно.

Кавада е 19-годишен талентиран јапонски ракометар кој доаѓа од младинската репрезентација која играше на последното Светскот првенство во Полска, а доказ за неговиот талент е и фактот што бил прогласен за МВП на минатогодишното Азиско првенство.

Младиот Јапонец важи за еден од најголемите ракометни таленти во својата земја, но покрај него, дел од Вардар во новата сезона ќе биде и Боно.

За разлика од Кавада, Аргентинецот е доста поискусен и има 27 години, а во редовите на Вардар пристигнува од француски Истр.