Заплива во брачните води: Талевски стапна на „лудиот камен“ (Фото+Видео)

Голем дел од македонските спортисти го искористија ова лето за да запливаат во брачните води, а таков е случајот и со познатиот ракометар Јован Талевски кој долгогодишната врска ја запечати со венчален прстен.

Детото на Вардар кое последно во Македонија играше за Еурофарм Пелистер стапна на „лудиот камен“ и во петокот го кажа судбоносното „ДА“, заедно со младата и убава докторка од Скопје, Јана Петровска.

Најблиските од двете семејства најпрво присуствуваа на свечениот чин во црквата „Св. Јован Крстител“, по што следеше прекрасна свадбена веселба во „Wedding House“ од која беа дел околу 200 гости.

Сликите и видеата од свадбената прослава кои заљубениот пар ги прати до нашата редакција се најдобар доказ за спомените од најспецијалниот ден во нивните животи, а воедно доловува дел од атмосферата од незаборавната ноќ.

Јован Талевски во овој момент настапува за Хомбург во Германија, па сега 27-годишникот кон новите предизвици во кариерата ќе влезе како новопечен сопруг кој стави крај на ергенскиот живот.