Захариевски: Најбитно за нас е она што ќе го подготвиме…

Македонскиот фудбалски прволигаш Пелистер ги заврши зимските подготовки кои изминатиов период ги одработи во Охрид.

На последниот тест „зелено-белите“ беа поразени од Беса со 2-0, но без разлика на ова тренерот Срѓан Захариевски верува дека неговите момци ќе се прикажат во најдобро светло кога ќе биде најпотребно на официјалните натпревари.

-Сакаме Пелистер да игра поофанзивен фудбал, да создаваме шанси, а ни останува да видиме како сето тоа ќе го вкомпонираме во една целина.Сакаме да работиме напорно во овој период, на тоа сме целосно посветени и во тој ритам ги работиме на подготовките. Најбитно за нас е она што ќе го подготвиме, да се примени на терен на офоцијални натпревари, а не на пријателски натпревари. Сите фудбалери имаат иста минутажа, но на крај ќе видиме кој ќе се избори за место во првиот тим, -порача Захариевски за официјалниот веб сајт на клубот.

Пелистер одигра вкупно 4 подготвителни натпревари на кои издвои една победа, еден нерешен резултат и два порази.