ВМФЛ: Македонија ЃП и Брегалница според планот, кикс на Арсими

Денешното саботно попладне беше резервирано за второлигашките возбудувања во нашата земја, а главните фаворити за највисок пласман продолжија со сигурни изданија на домашен терен.

По шокантниот пораз од Новаци, „лавовите“ од Ѓорче Петров влегоа во серија од четири победи во Втората лига, низа која ја продолжија со денешниот триумф над Кожув.

Македонија славеше со 3:0 на домашен терен и стигна до седмиот триумф од стартот на сезоната, па така ја одржува минималната предност која ја има пред Брегалница на првенствената табела.

Тимот од Штип на домашен терен беше подобар од Вардар Неготино со резултат 2:0, додека улогата на фаворит денеска не ја оправда Арсими кој на домашен терен ремизираше со Скопје (0:0).

Поради киксот, Башкими сега е трет на првенствената табелада во втората македонска фудбалска лига, бидејќи „зелено-белите“ денеска со 2:1 славеа над Каменица Саса.