Виера се фати за работа во Џенова, клубот објави негова фотографија со Балотели (ФОТО)

Поранешниот клуб на Горан Пандев, Џенова се реши да изненадувачки потег и го отпушти Алберто Џилардино и на негово место експресно го назначи Патрик Виера.

Навивачите не се баш задоволни од одлуката на клубот за разделба со Џилардино и останува да се види каква ќе биде нивната реакција во недела на дуелот со Калјари на „Луиџи Ферарис“ (Мараси), а во меѓувреме клубот објави неколку фотографии од првиот тренинг на Патрик во Џенова.

Меѓу фотографиите беше и една на Марио Балотели и Французинот што секако привлече внимание затоа што двајцата имаа недоразбирања во Ница, беа испратени и „отровни стрели“, па веднаш актуелно стана прашањето дали ќе можат да функционираат.

Времето најдобро ќе покаже, но она што е јасно е дека на Џенова и е потребна сплотеностот, заедништво ако сака да се извлече од долниот дел од табелата.

💪💪💪 pic.twitter.com/epVYNV02zj

— Genoa CFC (@GenoaCFC) November 20, 2024

⚽️ Training 🔴🔵 pic.twitter.com/XERmrvzbwB

— Genoa CFC (@GenoaCFC) November 20, 2024