Веќе нема дилеми: Барселона го добива првото зимско засилување (Фото)

Тешката повреда на Гави направи административни претумбации во Барселона, а тоа предизвика сценарио според кое каталонскиот гигант и дефинитивно го добива првото зимско засилување.

Младиот играч за врска ќе биде прецртан за оваа сезона и ќе може да ослободи место за друг играч, па како што беше највено, тоа ќе биде суперталентираниот бразилски фудбалер, Витор Роке.

Барселона веќе подолго време го има договорено Роке и трансферот го „чува во фиока“, но тешката повреда на Гави направи операцијата да биде целосно реализирана и тој да биде ослободен од Атлетико Параенсе.

Бразилскиот клуб официјално објави дека Роке оваа недела (денес) ќе го одигра послениот натпревар за првиот тим, пред да го официјализира трансферот во каталонскиот гигант.

Младиот Роке има само 18 години и важи за профил на играч кој е сличен на Винисиус Жуниор и Родриго, а планот со него е да пристигне во Барселона на 28-ми декември и да стои на располагање за првиот тим на стартот на новата година.

– Се гледаме наскоро! Последен чин со навивачите на Атлетико. Натпреварот против Сантош ќе биде последен за Витор Роке пред да направи трансфер во Европа, – гласи објавата на Атлетико Параенсе.

UM ATÉ BREVE! ⚡️🔴⚫️

O último ato ao lado da torcida athleticana. O jogo contra o Santos será o último do Vitor Roque na Ligga Arena antes do embarque para a Europa. #Athletico pic.twitter.com/D1is2s6FIF

— Athletico Paranaense (@AthleticoPR) December 2, 2023