Вардар не ја повтори играта од Монпелје и загуби од Нексе

Екипата на Вардар го забележа вториот пораз во регионалното СЕХА натпреварување откако загуби и на гостувањето кај Нексе со 28:25.

„Црвено црните“ не успеаја да ја повторат одличната игра од гостуваето во Лигата на шампионите кај Монпелје и загубија од хрватскиот претставник кој по втор пат го совладува нашиот тим во СЕХА лигата оваа сезона.

Тимот од Нашице многу подобро го отвори натпреварот и ја искористи умореноста на ракометарите на Вардар, па диктираше темпо уште од самиот старт.

Халил Јагањац одигра одличен натпревар и заврши како најефикасен стрелец во победничкиот табор со седум гола, додека Вејин застана на шест.

Кај вардарци најефикасен беше Куни Моралес кој исто така постигна седум погодоци.