Вардар ги обелодени деталите од договорот на „хрватскиот пакет“ (Фото)

Вардар ќе има навистина поразлично лице во новата натпреварувачка сезона, не само поради промената на институционален план, туку и поради фактот што голем број од играчите кои досега настапуваа за европскиот шампион нема да ги гледаме во Скопје.

На нивно место пристигнуваат нови ракометари кои се гладни за успеси и пробување на европската сцена, а такви двајца се хрватските ракометари Анте Гаџа и Јосип Векиќ кој во „пакет“ пристигнаа во македонската престолнина.

Анте Гаџа е директна замена за Сташ Скубе кој си договори трансфер уште пред да се стабилизира ситуацијата во Вардар, додека Јосип Векиќ игра на позицијата десен бек и важи за ракометен џин со оглед на тоа што е висок два метри.

Покрај нив двајца, во блиска иднина се очекува да пристигне и третиот Хрват во редовите на Вардар, бидејќи е постигнат договор со Ловро Јотиќ кој експресно остана без ангажман во Бенфика.

– Во новата сезона средниот бек Анте Гаџа и десниот бек Јосип Векиќ ќе бидат дел од тимот на Вардар 1961. Гаџа потпиша двегодишен договор со „црвено-црните“, а Векиќ остане во Скопје до 2024 година.