ВАР приреди непријатно дежа ви за Баерн: „Фармацевтите“ победија со пресврт (Видео)

Изминативе 48 часа во Минхен минаа со многу коментари и најави за големиот дуел со Манчестер Сити во четвртфиналето во Лигата на шампионите, но тоа донесе негативно влијание во домашното првенство.

Баерн влезе како голем фаворит во пресметката со Баер Леверкузен, но „фармацевтите“ само потврдија дека неверојатно многу напредуваат под водство на Чаби Алонсо, па денеска остварија голема победа на „Бај Арена“.

Гостите од Минхен имаа скромно прво полувреме во кое успеаја да поведат со голот на Кимих, но во продолжение на двапати беа шокирани од страна на ВАР системот.

Судиите во ВАР собата на двапати го повикаа Штилер да проверува сомнителни одлуки, а во двата наврати видовме ист крај. Леверкузен доби два пенали по видео проверките, а стрелец на двапати беше Паласиос кој ја презема одговорноста.

Непријатното дежа ви од ВАР значи дека Баерн го препушта врвот на табелата во Бундеслигата, каде Борусија сега има бод предност пред актуелниот шампион.