Ван Гал со оценка за работата на Тен Хаг: Можете да го критикувате, но…

Ерик Тен Хаг ја заврши втората година на кормилото на англискиот великан Манчестер Јунајтед, но понатаму останува нејасно дали ќе остане на сегашната функција иако има договор до 30 јуни 2025 година.

Во двете сезони на Холанѓанецот беа освоени пехари и тоа во ФА и Лига Купот со тоа што во натпреварувачката 2023/2024 екипата комплетно потфрли во Премиер лигата во која заврши дури на осмата позиција.

И додека се очекува конечната одлука околу неговата иднина, поранешниот тренер на „црвените ѓаволи“, Луи Ван Гал имаше можност да даде свое мислење, оценка за работата на сонародоникот и дали тој треба да биде отпуштен.

-Секако дека не треба да биде отпуштен. Ама исто и на мене ми требаше повеќе време во Манчестер Јунајтед. Го освоив ФА Купот, а 20 години пред мене ниту еден менаџер на Јунајтед го немаше тоа направено. Сега Ерик го освојува ФА Купот и исто така се квалификуваше за Лигата на шампионите во својата прва година. Затоа, мислам дека не треба да го отпуштите. Му треба повеќе време, но можам да бидам и покритичен. Тој не беше фантастичнен – можете да го критикувате – но исто така покажа дека е добар менаџер, -порача Луи за „Скај Спортс“.