Ван Дер Варт со жестоки зборови „удри“ по Мегваер: Во аматерските лиги во Холандија има подобри играчи

Поранешниот фудбалер на Тотенхем и Реал Мадрид, Рафаел Ван Дер Варт упати навистина жестоки  критики на адреса на капитенот на Манчестер Јунајтед, Хари Мегваер.

Стоперот е на удар на јавноста, посебно оваа сезона во која според многумина не оправда ни пени од  80 милиони фунти вредниот трансфер.

Мегваер се уште е најскап дефанзивец во светот на фудбалот, а Ван Дер Варт уште еднаш со неверување проследи како Манчестер Јунајтед платил толку пари за него.

– Многу зборувам за Мегваер и се обидувам да избегнам да коментирам за него, но човекот е вистинско срање.  Тоа морам да го кажам.

– Не можам да се помирам со фактот дека Манчестер Јунајтед за него плати 80 милиони фунти. Па подобри играчи може да најдете во аматерските лиги во Холандија, – беа жестоките зборови на Ван Дер Варт од студиото на „Зиго Спорт“.