Ван дер Сар: Најдобриот голман во светот не е ниту во топ 10

Едвин Ван дер Сар во краток разговор за специјализираниот портал „Гол“ имаше можност да го коментира најдобриот голман во светот според ФИФА, кој според него сепак не е ниту во топ 10 во овој момент.

Светската фудбалска асоцијација две години по ред го избра Емилијано Мартинез за најдобар чувар на мрежата, меѓутоа легендариот Ван дер Сар за него нема преголемо мислење и го сместува само во топ 20 најдобри во светот.

– Не верувам дека Мартинез е во топ 10 најдобри голмани во светот во овој момент. Кога се пеналите во прашање, тогаш сигурно е во топ 10, но генерално не. Дали е во топ 20? Во топ 20 секако влегува и тој, – вели Ван дер Сар.

Легендарниот холандски голман верува дека се уште не е дојдено до смена на генерации кога се голманите во прашање, па затоа според него и натаму најдобри се Тибо Куртоа од Реал Мадрид и Мануел Нојер од Баерн Минхен.

Во истата анкета, Ван дер Сар требаше да бира измеѓу Еми Мартинез и Алисон Бекер, а Едвин без размислување го избра голманот на Ливерпул.