Валверде наскоро се враќа на тренерската позиција во клуб од Ла Лига

Шпанксите медиуми веднаш го поврзаа поранешниот тренер на Барселона, Ернесто Валверде со клупата на Валенсија.

Клубот од „Месталја“ остана без тренерот Алберт Селадес кој по слабите резултати доби отказ и нема да го води тимот до крајот на сезоната.

„Лилјаците“ се во голема криза по паузата од три месеци, па за очекување беше Селадес да си оди откако во септември минатата година беше назначен за тренер на клубот.

Сега се очекува него да го наследи поранешниот тренер на Барселона, Ернесто Валверде кој по само шест месеци без клуб веројатно ќе добие шанса да седне на клупата на Валенсија.

Наводно во претходните денови Валверде заедно со неговиот стручен штаб преговарале со првите луѓе на Валенсија, а наскоро се очекуваат и повеќе детали од тоа како поминале разговорите меѓу двете страни.